Alabel

Alabel

ni Christian Jay Laya

Sa dalisay mo’t kakanyahan

Higit kang maganda kaysa buwan

Ang alindog mo’y di ko pagsasawaan

Pagkat iniirog kita bayan ko’t tahanan.

Sa aking pagsilang hanggang kamatayan

Utang ko sa iyo,Alabel,

Ang dangal ko’t pangalan

Ipagmamalaki ko,akoy Alabelian.

Pinagtibay ka ng kapanahunan

Hinamon man,sawi at sugatan

Lumaban ka at pinagtagumpayan

Ikaw! Alabel bayang kong hirang.

Pinatuloy mo kami

Kinalinga’t minahal

Ika’y bulwagan ng kapayapaan

Huwaran ka sa katahimika’t kalinisan.

Hindi ka nagkulang sa pagpapaalala

Sa dunong kong angkin

Ikaw ang pumunla

Saanman akoy aral mo’y dala-dala.

Sa paglipas ng panahon,araw at buwan

Mamamasdan pag-unlad mo’t pagyaman

Sa mga taong iyong tinulungan

Ikaw! Alabel dapat pasalamatan.

Sa lupa mo’t hangin na aking kinagisnan

Hiling ko’y ito rin ang huli kong hantungan

Upang laging kita makasama

Sa lupain mong ginintuan.

Alabel, saksi ka sa aking pagsilang

Ikaw ay nagsilbing tagapagturo’t kaibigan

Sa simbahan mo’t paaralan

Kasama ang Diyos ako’y binasbasan.

Mamatay man ako at mabuhay muli

Sa mga panahon,lugar at lipi

Sa tinubuang lupa ako’y magbabalik

Alabel,mahal kong bayan ang siyang magwawagi.

Alabel, the center of governance and excellence of the Province of Sarangani. A first class municipality, home of my dream and journey. A shelter of culture, traditions and faith. My home, my land until the end of days. ABANTE ALABEl! Smile Alabel!