MODERN DAY HERO

DIONESIO DUPIO, usa ka modern-day hero public servant, gihatud na sa iyang dapit pahulayan

SPRING, Alabel (NOBYEMBRE 04, 2021) - Gihatud na sa iyang lubnganan si DIONESIO DUPIO, empleyado sa Lokal nga Panggamhanan sa Alabel, Huwebes sa buntag, Nobyembre 04, 2021 sa Pryce Garden Cemetery, Barangay Spring.

Si Dupio, usa sa mga sakay sa nadisgrasya nga pickup sa Lokal nga Panggamhanan sa Alabel kaniadtong milabay nga semana sa Cla-o, Barangay Pag-asa. Nahulog matud pa ang pick up sa creek nga naa sa daplin dalan. 

Nadala pa kini sa ospital sa GENSAN ug gipaningkamutan nga ma revive. Naka angkon siya og bali sa mga parte sa kalawasan ug bun-og hinungdan dili na makaginhawa ug gitauran na kini og breathing support apparatus. 

Pasado alas 8 sa gabii, Oktubre 27, 2021, gibawian na kini sa iyang kinabuhi. 

Ang iyang edad 56 years old.

Gikan sa Paco Elementary School sa Barangay Pag-asa ang team asa naghatud sila sa 100 kabook nga plastic arm chair nga gidonate sa South Cotabato Chinese Chamber of Commerce Inc. alang sa maong tulunghaan, gi assemble usab nila ang mga bangko. 

Sa mensahe ni Mayor Vic Paul M Salarda MPA atul sa mubo ng programa bag o ang lubong, dako kaayo ang iyang pahisubo kuyog ang lokal nga gobyerno sa lungsod nga ang usa sa iyang mga kugihan nga empleyado ang mitaliwan sa pait ug sakit kaayo nga paagi tungod sa aksidente. 

Gi-isip ug kinonsidera sa Lokal nga Panggamhanan sa Alabel nga si DIONESIO DUPIO, usa ka modern day hero, nga namatay tungod sa paghimo sa iyang misyon aron maserbisyuhan ang katawhan.

Nabilin ni Dionesio Dupio, ang iyang mga ginikanan, asawa ug lima ka anak.

Nagsugod siya og trabaho sa lokal nga gobyerno isip administrative aide (Job Order) sa General Services Office (GSO) tuig 2016. #