Munato Winners from Alabel, Sarangani
𝗚𝗢𝗢𝗗 𝗝𝗢𝗕!| Gipasidunggan atul sa flag-raising ceremony, Lunes sa buntag, Disyembre 11, 2023 ang mga Alabelians nga nagpakita sa ilahang talento ug nahimo mag- excel sa nagkalain-laing aktibidad sa bag-ohay lamang na gipahigayon nga 31st Foundation Anniversary ug ika- 21st MunaTo Festival sa Sarangani Province kaniadtong Nobyembre 25- 28, 2023.
Lakip sa mga gi- recognize ang duha ka pambato sa Munisipyo sa Alabel sa Pearl of Sarangani nga sila 𝗠𝘀. 𝗧𝗵𝗲𝗻𝗮 𝗝𝗲𝗮𝗻 𝗕𝗮𝗰𝗾𝘂𝗶𝗮𝗻𝗼 (𝗣𝗲𝗮𝗿𝗹 𝗼𝗳 𝗦𝗮𝗿𝗮𝗻𝗴𝗮𝗻𝗶 𝗧𝗼𝘂𝗿𝗶𝘀𝗺) ug 𝗠𝘀. 𝗝𝗲𝘀𝗮𝗵 𝗠𝗼𝗶𝗿𝗲𝘀 (𝟮𝗻𝗱 𝗥𝘂𝗻𝗻𝗲𝗿 𝗨𝗽). Mihakot usab og minor award si Moires atul sa pageant nga mao ang Best in Munato Festival Attire ug Best Casual Wear.
Anaa usab gipasidunggan sa seremonya ang fashion designer nga taga- Alabel nga si 𝗖𝗟𝗘𝗡𝗧𝗢𝗡 𝗦𝗔𝗟𝗘𝗦 𝗩𝗘𝗟𝗔𝗥𝗗𝗘, nga gi-deklarar nga “Best Designer for MunaTo Festival Attire,” sa Pearl of Sarangani 2023.
Bisan wala naka-adto sa aktibidad tungod sa health reason, gi- recognize usab sa Lokal nga Panggamhanan sa Alabel ang pambato sa Munisipyo sa Alabel sa Hiyas ng Pilipinas 2023 nga si 𝗠𝘀. 𝗦𝘁𝗲𝗳𝗳𝗮𝗻𝘆 𝗖. 𝗕𝗮𝘇𝗮𝗿, nga TOP 10 Finalist sa maong national beauty pageant nga gipahigayon kaniadtong milabayng Nobyembre sa Cebu City.
Samtang sa uban pang mga kompetisyon sa MunaTo Festival 2023, gipasidunggan atubangan sa mga empleyado ug opisyales sa munisipyo si 𝗠𝘀. 𝗔𝗡𝗚𝗘𝗟 𝗕𝗢𝗛𝗢𝗟𝗦𝗧 𝗙𝗟𝗢𝗥𝗘𝗦, nga Second Place sa labing una nga RISING POPSTAR sa Sarangani Province.
Wala usab nagpa- ulahi ang Alabel sa gipahigayon nga I- Vlog MunaTo (Open Vlogging Contest) asa gi-deklara nga CHAMPION si 𝗝𝗢𝗩𝗘𝗡 𝗞𝗔𝗥𝗟 𝗖. 𝗥𝗔𝗠𝗢𝗦, ug pasok sa Top 8 Finalist ang usa pa ka vlogger nga taga- Alabel nga si Randwell “Randz” Balagonza. Gipasidunggan usab ang duha kay amateur photographer nga taga- Alabel nga sila Arson Mharc M. Sope ug Karl Vincent E. Sorilla, nga official participant sa Pitik MunaTo 2023 Photo Contest.
Sumala pa sa Alabel Municipal Tourism Operations Office nga padayon ang Lokal nga Panggamhanan sa Alabel nga gidumalaan ni Mayor Vic Paul M. Salarda, MPA sa paghatag og rekognasyon sa mga kabataang Alabelian nga aduna’y talento ug abilidad. Nagatoo usab ang Alabel Tourism Office nga kini nga mga kabataan nga mapalambu pa ang kahanas ug taleno kung aduna’y suporta ug kanunay’ng pagdasig gikan sa ilahang komunidad ug sa mga lideres sa munisipyo.
Anaa kauban ni Mayor Salarda sa paghatag sa mga certificate of recognition sila Municipal Administrator ug Municipal Tourism Council Chairperson Lilibeth “Ybing” J. Salarda, MPA, Municipal Councilor Tungko P. Sadavao, Municipal Councilor Bonifacio Pacquiao, Municipal Councilor Hermie C. Galzote, MPA, Municipal Councilor Paul S. Villamora, Municipal Accountant ug Municipal Tourism Officer Narvin Lachica, CPA ug Police Lieutenant Colonel Reynaldo S Delantein, chief of police sa Alabel Municipal Police Station. (ALABEL INFORMATION OFFICE)
Comments
Post a Comment